Maqrooz K Bigray Huway Haalaat Ki Manind

[Amal]

Re: Maqrooz K Bigray Huway Haalaat Ki Manind

@pktun

**
Maqrooz k bigray huway haalaat ki manind
Majboor k honton pay sawalaat ki manind

Dil ka teri chahat main ajab haal huwa hai
Selaab sey barbaad makanaat ki manind

Main un main bhatktay huway jugnu ki tarha hoon
Us shakhs ki aankhein hain kisi raat ki manind

Dil roz sajata hoon main dulhan ki tarha sey
Ghum roz chalay aatey hain baraat ki manind

Ab ye bhi nahi yaad k kiya naam tha uska
Jis shakhs ko manga tha manajaat ki maanind

Kis darja muqaddas hai teray qurb ki khwahish
Masoom sey bachay k khyalaat ki manind

Us shakhs sey milna Mohsin mera mumkin he nahi hai
Main piyaas ka sehra hoon woh barsaat ki manind!

**

Achi ghazal hey pktun k: