Mannaten Muraaden

[muqawwee123]

Re: Mannaten Muraaden

@KKF

maiN ne yeh video nahiiN dekhii. i didn’t want to listen to or see this video.

Khair…jo gramatically Ghalat hai vo Ghalat hai…koii agar aisaa kartaa hai to bhii Ghalat hii hogaa.yeh muravvija tarkeeb-e-iste’maali Ghalat ul 'aam yaa Ghalat ul 'awaam to ho saktii hai magar saHeeH nahiiN. jo Ghalat hai vo Ghalat hai.

aise hii kuchh tarkeebii alfaaz hote haiN jo muravvij haiN magar vo saHeeH nahiiN hai jaise:

-mimbaraan-e-parliament
-kamra e 'adaalat
-Khushboo-e-miTTii

in teenoN meN Urdu sarv o nahv ke mutaabiq izaafat saHeeH nahiiN hai kiuN k jin do alfaaz ke maa_bai’n izaafat ho un donoN alfaaz ko 'Arabi yaa Faarsii zabaan kaa honaa laazmii hai magar yahaN mimbar, parliament, kamra, miTTii Arabii yaa Faarsii zabaan ke alfaaz nahiiN haiN is liye in ke beech izaafat Khilaaf-e-qanoon o qawaa’id haiN.

Theek?

aap ne kis ‘Pesh Imam’ ko ‘Sitah e Samandar’ ke paas ‘Qulfi’ khate nahin dekha shayad.