Main Aaina Tha Woh Mera Khayaal Rakhti Thi...

[Amal]

Re: Main Aaina Tha Woh Mera Khayaal Rakhti Thi…

@Aryaan

**Main aaina tha, woh mera khayaal rakhti thi
Main toot-ta tha tau chun kar sanmbhal rakhti thi

Harr ek masley ka hal nikaal rakhti thi
Zaheen thi, mujhe hairat mein daal rakhti thi

Main jab bhi tark-e-talluq ki baat karta tha
woh rokti thi mujhe, kal pe taal rakhti thi

Woh mere dard ko chunnti thi apni palkon se
Woh mere wastey khud ko nidhaal rakhti thi

Ik aisi dhunn ke nahi phir kabhi main ne suni
Woh munfarid sa hansi mein kamaal rakhti thi

Ussey nadamatain meri kahan gawaara thin
Woh mere wastey aasaan sawaal rakhti thi

Sehar tha naam , ujaalay ghulam they uss ke
Woh zindagi ke andhairey ujaal rakhti thi

Woh muntazir meri rehti thi dhoop mein shayed
Main laut-ta tha tau chaaon nikaal rakhti thi**

Wah, bohat hi khoobsoorat ghazal hey :k: … nice selection and thanx for sharing with us

[GuL-e-Tasbeeh]

Re: Main Aaina Tha Woh Mera Khayaal Rakhti Thi...

kitnii khoobiyan theeen uss mein :~) thanks for sharing this beautiful piece

[Aryaan]

Re: Main Aaina Tha Woh Mera Khayaal Rakhti Thi…

Amal & Gul-e-Tasbeeh… Shukriya, nawaazish…