magar ye tab hi ho pataa agar woo saath day daitaa..!!!

[usman22]

Re: magar ye tab hi ho pataa agar woo saath day daitaa..!!!

agar wo saath de daita...

kya baat hai...chaa gyae

[Zamil]

Re: magar ye tab hi ho pataa agar woo saath day daitaa..!!!

@Koyal

**baheiN ashk kiouN tumhaare inheiN rok lo kHudaara **

**mujhe dukh Qabool saare yeh sitam nahiN gawaara **

**meri dil-shikastgi per mujhay gHarq-e-gHam samaj kar **

**wo jo aik aaarzoo thi wohi kar gai kinaara **

**mujhay Izn-e-marg de kar wo ufuq pe Chaand dooba **
**wo mera naseeb le kar koi bujh gaiyaa sitaara **

**lo dhalak gaiyaa wo aaansoo k jhalak raha tha jiss meiN **
**teri shamma-e-rukH ka par-tao tera aks piyaara piyaara **

**hai mujhay talaash us ki jo kabhi ka kho chuka hai **
**mujhay justajoo ka kar ke kahiN door se Ishaara **

**mujhay cHorh kar gaye ho mera sabar aaazmaane **
tu suno kh ab nahiN hai mujhay zabt-e-gham ka yaara

Tumhein jeetne ki dhun mein teri baat sun k haara
Meri dharrkanon mein utra k jawaab ye tumhaara

Teri dil-shikastagi ne mujhe gharq-e-gham kia hai
Wo jo ek aarzoo thi wo jagaaun ga dobaara

Teri qismaton mein raushan koi aaftaab hoga
Meri jaan gham na kar tu, jo nahi hai chaand taara

Mera aks aansuon se nahi mitt sake ga dilbar
Zara dil k aa’ine ka bhi kabhi karo nazaara

Hai tumhein talaash jis ki wo to main nahi hoon lekin
Teri rah mein aa gaya hoon to samajh mujhe kinaara

Nahi zabt-e-gham ka yaara to na gham utthaao hamdam
Kaho kya bura hai Zamil ! jo bane tera sahaara !

[NikamiJano]

Re: magar ye tab hi ho pataa agar woo saath day daitaa..!!!

:K: Good job zamil

[Koyal]

Re: magar ye tab hi ho pataa agar woo saath day daitaa..!!!

@Zamil

Tumhein jeetne ki dhun mein teri baat sun k haara

Meri dharrkanon mein utra k jawaab ye tumhaara

** Teri dil-shikastagi ne mujhe gharq-e-gham kia hai**

** Wo jo ek aarzoo thi wo jagaaun ga dobaara**

Teri qismaton mein raushan koi aaftaab hoga

** Meri jaan gham na kar tu, jo nahi hai chaand taara**

Mera aks aansuon se nahi mitt sake ga dilbar

** Zara dil k aa’ine ka bhi kabhi karo nazaara**

Hai tumhein talaash jis ki wo to main nahi hoon lekin

** Teri rah mein aa gaya hoon to samajh mujhe kinaara**

Nahi zabt-e-gham ka yaara to na gham utthaao hamdam

                      **Kaho kya bura hai Zamil ! jo bane tera sahaara !**

gali gali meiN ranjisheiN qadam qadam pe saazisheiN
merey Rub tuhi bataa mujhey koi saada-dil ab kya karey!

na to raastey hi khul sakey na manzileiN hi mil sakeeN
ik be-nishaN si umeed par koi kab tak aakhir jia karey!

dil ke ujrey kawaarr meiN meri khaamshiyaaN heiN gonjti
jab lafz zubaaN sey chin gaey to kesey koi kuch kaha karey

sar-e-raah-guzar ye is qadar deeye sey kis ney jalaa deeye!
ye chiraagh sarey be-zubaaN, ab jo bhi chahey hawaa karey

merey dil ke armaaN sab ke sab terey dar pe aa ke ruk gaey
chaahey aas dey ya yaas dey jo chaahey teri nigaah karey

[nakhan]

Re: magar ye tab hi ho pataa agar woo saath day daitaa..!!!

Zabardast.... Koyal...

Well done Zamil

[Koyal]

Re: magar ye tab hi ho pataa agar woo saath day daitaa..!!!

thanks nakhan :)