Re: Maa
Salaam Daddu .. Bohat hi dukh huwa aapki Walida ke bare mein jaan kar beshak woh ek bohat hi achi jaga par hain isswaQt, meri dua hai ke Allah unhein apne jawaar-e-rehmat mein jaga de.. aur aap ko sabr de...Ameen!
Aap ne MaaN ki shaan mein bohat hi khubsoorat dil ko chooti huwi poem likhi hai, be-ikhteyaar aansoo nikal aaye!
Aaj "Mother's Day" hai, meri taraf se MaaN ke naam....
**
Saari duniya se pyari hai meri MaaN
Meri duniya saari hai meri MaaN
Bare naaz-o-nemat se mujhe uss ne paala
Goud mein kabhi, baanhon ke jhooley mein daala
Main sota hoon woh jaagti hai raat saari
Kehti hai mujhe neend teri hai pyaari
Chuka sakta nahi main usska koi ehsaan
Nannah sa tha, kiya uss ne jawaan
Woh chahti hai mujhe dil-o-jaan se
Mujhe maan hai uss pe imaan se
Jism tau hota hai jaan nahi hoti
Unn se poocho jinki MaaN nahi hoti
Khuda agar pooche tujhe kya chahiye
usski khidmat ke siwa aur kya chahiye
MaaN meri hai pyari saari duniya se mujhko
Khuda usske bhi gham de dey mujh ko
Kaise karoon ga bin MaaN ke kalaam
Karta hoon paish usski azmat ko salaam**