Manzilon pe aake luTt-te hain dilon ke kaarvaaN
kashtiyaaN saahil pe aksar, Doobti hain pyaar ki
manzilen apni jagah hain raaste apni jagah
jab qadam hi saath na den, to musaafir kyaa karay
yuN to hai hamdard bhi aur hamsafar bhi hai meraa
baDhke koi haath na de, dil bhalaa phir kyaa karay
manzilen apni jagah hain raaste apni jagah..
Doobne vaale ko tinke kaa sahaaraa hi bohat..
dil behal jaaye faqat, itnaa ishaaraa hi bohat
itne par bhi aasmaaN vaalaa giraa de bijliyaaN
koi batlaa de zaraa ye Doobtaa phir kyaa karay
manzilen apni jagah hain raaste apni jagah..
Pyaar karnaa jurm hai tou, jurm hamse ho gayaa
qaabil-e-maafii huaa karrte nahin aise gunaah
sangdil hai ye jahaaN aur sangdil meraa sanam
kyaa karien josh-e-junooN aur hauslaa phir kyaa karay
manzilen apni jagah hain raaste apni jagah…
jab qadam hi saath na den, to musaafir kyaa karay