Nazm By: Amjad Islam Amjad
**chehrey pay mere zulf ko phailaoo kisi din
kia rooz garajtey ho, baras jao kisi din
razooN ki tarah utroo mirey dil maiN kisi shub
dastak pay mirey haath ki khul jao kisi din
paid.rooN ki tarah husn ki baarish maiN nahaa looN
baadal ki tarah jhoom ke ghar aaoo kisi din
Khushboo ki tarah guzroo mere dil ki gali se
phoolooN ki tarah mujh pay bikhar jao kisi din
phir haath ki Khairaat miley bund-e-qaba ko
phir lutf-e-shab-e-vasal dhooraoo kisi din
guzraiN jo mere ghar se to ruk jaiN sitaarey
is tarah meri raat ko chamkaoo kisi din
maiN apni her ek saans osi raat ko day dooN
sir rakh ke mirey seeney pay so jao kisi din**