Re: Lekin is tark-e-muhabbat ka bharosa bhi nahi
Adaab arz doston. Umeed hae sab khairiyat se honge. Jo filhaal Pakistan mein hein khuda unko salamati de is mushkil waqt mei, ameen. LIjiye ik ghazal pesh hae jo mujhe bahot dilruba lagi :).
sar mei sauda bhi nahi dil mei tamanna bhi nahi lekin is tark-e-muhabbat ka bharosa bhi nahi
yuun toh hungame uThate nahi deewana-e-ishq magar ay dost kuch aeson ka Thikana bhi nahi
mudaatein guzri teri bhi aayi na hame aur hum bhool gaye tujhko aesa bhi nahi
dil ki geenti hae na apno mei na beghano mein lekin is jalwagaah-e-naaz se uThta bhi nahi
shikwa-e-jor kare koi kya uss shaqs se jo saaf qa'ail bhi nahi saaf mukarta bhi nahi
baat ye hae ke sukuun-e-dil-e-vehshi ka makaam koonj-e-zinda bhi nahi vusa'at-e-sehra bhi nahi
muunh se hum apne bura to nahi kehte ke Firaaq hae tera dost magar aadmi achha bhi nahi
FIRAAQ GORAKHPURI
Wah wah wah very nice shairing...............Well we all shuld pray for Pakistan as we are heading towards "Khana Jangi" Khuda Pakistan Ko Salamat Rakhay.....Ameen