Re: Koi dhundla sa ik chehra
Usay meri nazar se dekho tum
Woh husn ka ik chiraagh hai
Woh jo jal raha hai bahishtoN meiN
Meri aankh ka haseeN khaab hai
MaiN talaash meiN us mehrbaaN ki
Hui dar-badar kahaN kahaN nahiN
Woh jo mil gaya tu haiN faaslay
Meri tammanna ka woh mahtaab hai
Mujhe us se ulfat bhi ho chuki
Ke mujh sa hi us ka mizaaj hai
YuN tu rehta hai woh bhi dur dur
Mere ishq meiN par shumaar hai
Koi us ko keh do bina us kay
Meri subh-o-shaam azaab hai
Mujhe mil sakay *Pari *woh kabhi
Mere dil ka yeh armaan hai
Usay meri nazar se dekho tum
Woh mere muqaddar ka chaand hai