KantoN Ki Iss Duniya MaiN Woh PholooN Jaisi

[Amal]

Re: KantoN Ki Iss Duniya MaiN Woh PholooN Jaisi

@fara

KantoN ki iss duniya maiN woh pholooN jaisi
Jeewan bhool bhulaiyooN maiN woh rastooN jaisi

Ujjli ujjli, mehki mehki, roshan roshan
Meri sochooN jaisi, meray jazbooN jaisi

Jhilmil jhilmil kerti utray munn-angan maiN
Raat AndherooN maiN woh chand ujaalooN jaisi

Jagti aankhooN say bhee usko dekhtay rehna
Woh khuwabooN maiN anay wali periyooN jaisi

Lau bersaati do-pehrooN maiN uski yaadaiN
Thandi kirnooN jaisi, halkay rangooN jaisi

Ek chehray ka lapka meray charooN janib
Main hooN aur yeh duniya hay ayeenooN jaisi

By Ata-ul-haq Qasmi

Achi ghazal hey fara ji :k: … thanx for sharing