~* Jaanay kahaan woh daur gaya *~

[Amal]

Re: ~* Jaanay kahaan woh daur gaya *~

@zawanfira

Sham swairay, aangan meray, jub bhi tum aa jatay thay
Mun main ghunchay khiltay thay hum mun hi mun muskatay thay

Yaad hay hum ko jub bhi hum say door kahin tum jatay thay
Dil yeh soona, ho jata tha, hum geet hijer kay gatay thay

Jub kabhi bhi tum roothay, hum jeetay ji mer jatay thay
sub muskanain kho jati theen, her dam ashk bahatay thay

Mil bethain, to apnay dukh sukh, ik doojay ko, butlatay thay
Hum apna dukhrha kehtay thay, tum apni hamain sunatay thay

Kabhi kahin jo majburi main, tum milnay aa na patay thay
teri meethi yadon say, hum apna dil behlatay thay

Khushian hum pay brusti theen, ghum pas kabhi na aatay thay
Jaanay kahan woh daur gaya, jub Saahil hunstay gatay thay …

Khoobsoorat kalaam hey:k:…I would be interested in knowing the writer’s name. If possible