Ishq Ka Jaadu

[GuL-e-Tasbeeh]

Re: Ishq Ka Jaadu

@Amal

Ishq Ka Jaadu

Mera tamaam fan meri kaavish mera riyaaz
ik na-tamaam geet ke misrey heiN jin ke beech
maani ka koi rabt hey na kisi qaafye ka meil
anjaam jis ka tey na huwa ho ik aesa kheil
meri mataa bas yehi jaadu hey ishq ka
seekha hey jis ko meiN ney barri mushkiloN ke saath
lekin ye saahir-e-ishq ka tofha ajeeb hey
khulta nahi hey kuch ke hiqeeqat meiN kya hey ye
taqdeer ki ataa hey ya koi sazaa hey ye
kis sey kaheiN aey jaaN ke ye qissa ajeeb hey
kehney ko yuN to ishq ka jaadu hey merey paas
par merey dil ke vaastey itna hey is ka bojh
seeney se ik pahaarr sa hat’ta nahi hey ye
lekin asar ke baad meiN halka hey is qadar
tujh par agar chalaaooN to chalta nahi hey ye!!!

**By: **Amjad Islam Amjad

Kis pe chalaaney ki koshish kar rahey heiN

Very Nice stuff AIA ki nazms ki kya baat hey …aap ney kai baar post ki hey, thanks for sharing again