Pura dukh aur aadha chand
**
hijr ke shab aur aisa chand
**
itane ghane badal ke piche
kitna tanha hoga chand
meri karavat par jag uthe
neend ka kitna kacha chand
sehra sehra bhatak raha hai
apne ishq mein sacha chand
**
**raat ke shayad ek baje hain
sota hoga mera chand
Re: Pura dukh aur aadha chand
irshad irshad 
Re: Happy Birthday Parveen Shakir
Parveen shakir's poem khwaab for girls:
khuley paanioun mein ghiri larkiyaan
narm lehron key cheentay uraati hui
baat be-baat hansti hui
apney khwaabon key shehzadoun kaa tazkara kar rahi thein
jou khamosh thein
un ki aankhoun mein bhi muskuraahat ki tehreer thi
aaney waaley mausamoun key sabhi pairahan neelmeiN hou chukey thay!
door saahil par baithi hui aik nanhi si bachchi
hamaari hansi aur moujoun key aahang sey be-khabar
rait sey aik nanha gharonda banaaney mein masroof thi
aur mein sochti thi
khudayaa! yeh hum larkiyaan
kachchi umroun sey hi khwaab kyun dekhna chaahti hein
khwaab ki hukmraani mein kitna tasalsul raha hai!
Re: Pura dukh aur aadha chand
to aap bhi Parveen Shakir ke fan nikle 
Re: Happy Birthday Parveen Shakir
ye to kafi famous poetry hai Parveen Shakir ki. Ecstasy wali poem to kafi marghoob hai adult literature padhne walon ko.
Chehra mera was sung by Vital signs in 1993 and if you have gone through Indian movie’Zubeida’s promos / trailers, the ghazal was recited by Karishma Kapoor
Re: Happy Birthday Parveen Shakir
***Kuch To Hawa Bhi Sard Thi Kuch Tha Tera Khayal Bhi
Dil Ko Khushi Ke Sath Sath Hota Raha Malal Bhi
Baat Wo Aadhi Raat Ki Raat Wo Pore Chand Ki
Chand Bhi Ain Chait Ka Uss Pe Tera Jamal Bhi
Sab Se Nazar Bacha Ke Wo Mujh Ko Tha Aise Dekhta
Ek Dafa To Ruk Gai Gardish-e-Mah-o-Saal Bhi
Dil To Chamak Sake Ga Kya Phir Bhi Taraash Ke Dekh Lo
Shishaa Garan-e-shahar Ke Hath Ka Ye Kamal Bhi
Os Ko Na Pa Sake The Jab Dil Ka Ajib Haal Tha
Ab Jo PalaT Ke Dekhiye Baat Thi Kuch Muhaal Bhi
Meri Talab Tha Ek ShaKhs Wo Jo Nahin Mila To Phir
Haath Dua Se YuN Gira Bhool Gaya Sawal Bhi
Shaam Ki Nasamajh Hawa Puuch Rahi Hai Ek Pata
Mauj-e-Hawa-e-Ku-e-Yaar Kuch To Mera Khayaal Bhi
Os Ke Hi Bazoun Main Aur Us Ko Hi Sochte Rahe
Jism Ki Khwahishon Pe The Ruh Ke Aur Jaal Bhi***
Re: Happy Birthday Parveen Shakir
Gawahi Toot Ti Kaisay, Muamla Khuda Ka Tha,
Mera Aur Uska Rabta To Haath Aur Dua Ka Tha.
Gulab Qaimat-E-Shaguft, Shaam Tak Chuka Sakay,
Ada Wo Dhoop Ko Hua, Jo Qarz Bhi Saba Ka Tha.
Bikhar Gaya Hai Phool To Hum Hee Se Pooch Guchh Hui
Hisaab Baghbaan Se Hai Kia Dharaa Hawa Ka Tha,
Lahoo Chashida Hath Us Ne Choom Ker Dikha Dia,
Jaza Wahan Mili Jaha Marhala Saza Ka Tha**
The boy (from 0:30 to 0:35) is probably Parveen Shakir’s son Muraad.
**
Re: Happy Birthday Parveen Shakir
She died at a very young age :(
Re: Happy Birthday Parveen Shakir
Ab bhala chhor k Ghar kia kartay
Shaam k waqt Safar kia kartay
Teri Masroofiyatein jaante thay
Apne aane ki Khabar kia kartay
Jab Sitare he nahe mil paye
Le k hum Shams-o-Qamar kia kartay
Woh Musafir he khuli Dhoop ka tha
Saaye phaila k Shajar kia kartay
Khaak he Awwal-o-Aakhir thehri
kar k Zarray ko gohar kia kartay
Raaye pehle se he bana li Tu ne
Dil mei ab hum tere Ghar kia kartay
Ishq ne saare Saliqay bakhshe
Husn se Kasb-e-Hunar kia kartay
Re: Happy Birthday Parveen Shakir
**Shaayed uss ne mujhko tanha dekh liya hai
Dukh ne mere ghar ka rasta dekh liya hai
**
**Apne aap se aankh churaaye phirti hoon main
Aayine mein kiska chehra dekh liya hai
**
**Ab bhi sapne boye to eimaan hai uska
Usne in aankhon mein sehra dekh liya hai
**
**Uss ne mujhe dar-asal kabhi chaha hi nahi tha
Khud ko de ker yeh bhi dhoka dekh liya hai
**
**Uss se milte waqt ka rona kuch fitri tha
Uss se bichar jaane ka nateeja dekh liya hai
**
Rukhsat karne ke aadaab nibhaane hi they
Band aankhon se usko jata dekh liya hai !!
Re: Happy Birthday Parveen Shakir
Neem Khwabi ka fusooN toot raha ho jaise
Aankh se neend ka dil chhoot raha ho jaise
Rung phela tha lahoo main na sitaraa chamka
ab ke her lums tera jhoot raha ho jaise
Phir Shafaq hui kocha e janan ki zameen
Aabla paon ka phir phoot raha ho jaise
**Roshni pai nahin raat bhi baqi hai abhi
Chaand se rabta magar toot raha ho jaise
**
Surkh bailen to sutoonon main chadhi hain lekin
Koi aangan ka sukoon loot raha ho jaise
Re: Happy Birthday Parveen Shakir
Issi main khush hoon mera dukh koi to sehta hai
chali chaloongi jahan tak ye saath rehta hai
Zameen e Dil yunhi shadaab to nahi ae dost
Qareeb main koi darya zaroor behta hai
Ghane darakhton ke girne pe ma siwae hawa
Azaab e Dar badari aur kon sehta hai
**Na jane kon sa fiqra kahan raqm ho jae
Dilon ka haal bhi ab kon kis se kehta hai
**
Maqam e dil kahin aabadiyon se hai bahir
aur iss makan main ke jaise koi rehta hai
Mere badan ko nami kha gai hai ashkon ki
bhari bahar main kaisa makan dehta hai
Re: Happy Birthday Parveen Shakir
Hawa e Tazaa main phir jism o jaan fasaane ka
Dareecha kholen ke hai waqt uske aane ka
**Asar hua nahin uss par abhi zamane ka
yeh khwab zaad hai kirdaar kis fasaane ka
Kabhi kabhi wo hamen be sabab bhi milta hai
Asar hua nahin uss par abhi zamane ka
**
Abhi main ek mahaz e digar pe uljhi hoon
chuna hai waqt ye kia mujhko aazmaane ka
Kuch istarh ka pur israar hai tere lehja
ke jaise raaz kusha ho kisi khazane ka
Re: Happy Birthday Parveen Shakir
http://www.paklinks.com/gs/attachment.php?attachmentid=9451&d=1321685776
Re: Happy Birthday Parveen Shakir
http://www.paklinks.com/gs/attachment.php?attachmentid=9452&d=1321686792
Re: Happy Birthday Parveen Shakir
***Chalne ka hosla nahin, rukna mahaal ker diya
Ishq k is safar ne toa mujhko nidhaal ker diya
Aye meri gull zamee'n tujhe chah thi ik kitaab ki
Ehl-e-kitaab ney magar kya tera haal ker diya
Miltey huwe dilon ke beech aur the faisla koi
Usne magar bicharte waqt aur sawal ker diya
Ab ke hawa ke saath hai daman-e-yaar muntazir
Bano-e-shab ke haath main rakhna sanmbhal ker diya
Mumkin'a fais'loon main ek, hijr ka faisla bhi tha
Humne to ek baat ki, usne kamaal ker diya
Mere labon pe mohar thi, permeray sheesha roo ne toa
Sheher ke sheher ko mera waqif-e-haal ker diya
Chehra-O-naam ek saath aaj na yaad aa sake
Waqt ne kis shabeeh ko khuwab-o-khayal ker diya
Mudda'ton baad usne aaj mujhse koi gila kiya
Mansab-e-dilbari peh kya mujh ko bahaal ker diya..***
Re: Happy Birthday Parveen Shakir
Yeh Do ghazlen Parveen Shakir ne apni death se kuch arsa pehle ‘Mushaira Jashn e Baharan 1994’ main padhi thi.
**(1) **
Chalne ka hosla nahin, rukna mahaal ker diya…!!
Ishq k is safar ne toa mujhko nidhaal ker diya…!!
Aye meri gull zamee’n tujhe chah thi ik kitaab ki…!!
Ehl-e-kitaab ney magar kya tera haal ker diya…!!
Miltey huwe dilon ke beech aur the faisla koi…!!!
Usne magar bicharte waqt aur sawal ker diya…!!
Ab ke hawa ke saath hai daman-e-yaar muntazir…!!!
Bano-e-shab ke haath main rakhna sanmbhal ker diya…!!
Mumkin’a fais’loon main ek, hijr ka faisla bhi tha…
Humne to ek baat ki, usne kamaal ker diya…!!!
Mere labon pe mohar thi, permeray sheesha roo ne toa..!!
Sheher ke sheher ko mera waqif-e-haal ker diya…!!
**Chehra-O-naam ek saath aaj na yaad aa sake…
Waqt ne kis shabeeh ko khuwab-o-khayal ker diya..!!! **
Mudda’ton baad usne aaj mujhse koi gila kiya…!!!
Mansab-e-dilbari peh kya mujh ko bahaal ker diya..???
(2)
harf-e-taza nai khushboo mein likha chahta hai
baab ik or muhabbat ka khula chahta hai
**ik lamhy ki tawaja nahi hasil us ki
or ye dil usy had sy siwa chahta hai
**
ik hijab tae-iqrar hai manaye na many warna
gul ko maloom hai kya dast-e-saba chahta hai
rait hi rait hai is dil mein musafir mery
or ye sehra tera naqsh-e-kuf-e-paa chahta hai
ye khamoshi kai rang mein zahir ho gi
or kuch roz keh wo shokh khila chahta hai
**tery paimany mein gardish nhi baki saqi
or teri bazm sy ab koi utha chahta hai
**
Re: Happy Birthday Parveen Shakir
Aks -e- Khushboo Hoon Bekharnay Say Na Rokay Koee
Or Bekhar Jaoon Tu Mujh Ko Na Samaitay Koee
Kaanp Uthate Hoon Main Yah Soch Kay Tanhaee Main
Meray Cheray Pay Tera Naam Na Parh Lay Koee
Jis Tarah Khowab Meray Ho Gay Hain Rayza Rayza
Is Tarah Na Kabhi Toot Kay Bikhray Koee
Main Tu Us Din Say Harasa Hoon Kah Jab Hukam Melay
KhushK Pholoon Ko Ketaboon Main Na Rakhay Koee
Ab Tu Is Rah Say Wo Shaks Bhi Nahi Guzarta
Ab Kis Umeed Pay Darwazay Say Jhankay Koee
koi aahat, koi awaz, koi chaap nahi
dil ki galyaan’ bari sunsan hain aye koi
Re: Happy Birthday Parveen Shakir
Tooti Hai Meri Neend Magar ,TUM Ko Is Se Kia ???
Bajtay Rahain Hawaon Se Dar, TUM Ko Is Se Kia???
Tum Mouj Mouj Misl e Saba Ghoomtay Raho …
Kat Jain Meri Soch Ke Par , TUM Ko Is Se Kia ???
Auron Ka Hath Thaamo , Unhain Rasta Dikhao …
Mein Bhool Jaon Apna Hi Ghar , TUM Ko Is Se Kia???
Abr e Guraiz Paa Ko Barasnay Se Kia Gharaz
Seepi Mein Ban Na Paaey Gohar , TUM Ko Is Se Kia ???
Le Jain Mujh Ko Maal e Ghanimat Ke Sath Addo …
TUM Ne To Daal Di Hai Sapar , TUM Ko Is Se Kia ???
TUM Ne To Thak Ke Dasht Mein Khaimay Laga Leay …
Tanha Katay Kisi Ka Safar , Tum Ko Is Se Kia ???
Re: Happy Birthday Parveen Shakir
http://www.paklinks.com/gs/attachment.php?attachmentid=9404&d=1321509791