Guess the poet?

KKF · February 4, 2012, 1:53pm

Re: Guess the poet?

Momin KhaN Momin** kii is Ghazal kaa ek she’r lagtaa hai:

asar usko zaraa nahiiN hotaa
ranj raaHat fazaa nahiiN hotaa****

aapke diye huye she’r meN zaraa sii tasHeeH karnaa chaahuuNgaa:

kisko hai zauq-e-talKh-kalaami, laik [NOT lekin]
jang bin kuchh mazaa nahiiN hotaa

isii Ghazal kaa ek she’r hai jo Ghalib ko is qadar pasand aayaa thaa k vo is she’r ke 'evaz apnaa pooraa deevaan Momin ko dene ke liye razaa_mand ho gaye the:

tum mere paas hote ho, goyaa!
jab ko’ii doosraa nahiiN hotaa****

ma’nvii ai’tabaar se kuchh radd o badal ke saath is she’r ko MajrooH Sultanpurii ne apnii ek film ‘Love in Tokyo’ meN must’amil kiyaa thaa aur jise Raf’i saaHab aur Lata Mangeshkar jii ne alag alag mauq’oN par gaayaa thaa…mulaaHizah farmaaiye:**

KKF · February 4, 2012, 1:55pm

Re: Guess the poet?

next:**

dam-e-Ghusl se mire peshtar, mire hamdamoN ne yeh soch kar
kahiiN jaave uskaa na dil dahel, mirii laash par se haTaa diyaa!**

muqawwee123 · February 4, 2012, 2:26pm

Re: Guess the poet?

Changez khan ki aakhri nishani?

KKF · February 4, 2012, 2:31pm

Re: Guess the poet?

*lol...yeah...hahaha...bahot Khoob...ab aapkii baarii hai! :)
*

muqawwee123 · February 4, 2012, 2:38pm

Re: Guess the poet?

hahah. Last night, we were discussing why Afghanis are always in war mode in one of history forums thread. TLK said that because they are descendent of Chengez khan. My reply was 'per Bahadur Shah tak aate aate changezi khoon thanda ho chuka tha'. :)

KKF · February 4, 2012, 2:51pm

Re: Guess the poet?

**lol...bajaa! 'allaamah ne yehii farmaayaa thaa jo apne farmaayaa hai:

*jalaal-e-baadshahii ho yaa jamhoorii tamaasha ho
judaa ho deen siyaasat se *to reh jaatii hai changezii****

mere Khayaal se to baalaa_zel she'r *MoHammad Raf'ii "Saudaa"* kaa hai. right? :)**

muqawwee123 · February 4, 2012, 2:55pm

Re: Guess the poet?

Right. Beautiful sung by Tina Sani

Ab aap ki bari.

KKF · February 4, 2012, 5:13pm

Re: Guess the poet?

**ji, bahot achchhii gaayekii hai :)

*ghiste ghiste paauuN meN zanjeer aadhii rah gaii
mar gaye par qabr kii ta'meer aadhii rah gaii
sab hii paRhtaa, kaash! kiuN takbeer aadhii rah gaii?*
.......khiNch ke, qaatil! jab tirii shamsheer aadhii rah gaii
.......Gham se jaan-e-'aashiq-e-dil_geer aadhii rah gaii!****

can you name the POETS? :)**

muqawwee123 · February 4, 2012, 5:17pm

Re: Guess the poet?

Meer Anees ka lehja, Jalib ki be baki, Ghalib ki salaasat… yeh kisi ek shair ka to kalam nahi?

KKF · February 4, 2012, 5:26pm

Re: Guess the poet?

**waah, kia tamheed baandhii hai…liked it! bilkul…kisii ek kaa kamaal nahiiN…do do baa-kamaal logoN ke kamaalaat haiN
**

muqawwee123 · February 4, 2012, 5:30pm

Re: Guess the poet?

Ek to Ghalib hi hain, doosra aap bataen, aur iss pewandkari ka sabab bhi.

KKF · February 4, 2012, 5:46pm

Re: Guess the poet?

jii, saHeeH farmaayaa. ek to haiN chachaa** Ghaalib**** aur duusre haiN Bahadur Shaah**** 'Zafar'****.

sabab-e-paiwand_kaarii yeh hai k mausoof o oolaa [Ghalib] chuN k darbaar ke 'ooficial' shaa'ir nahiiN the...vo to Hazrat-e-Zauq the liHaaza unkaa vazeefah nihaayat qaleel thaa is liye jab jab unheN 'Kharche paanii' kii kamii maHsoos hotii to vo Shahenshaah-e-Hind kii mad'H meN kuchh farmaate aur jahaaN_panaah unke vazeehe meN Khaatir Khowaah izaafa kar dete. bahot kuchh Zafar kii mad'H meN likhaa jo Zauq ko ek aaNkh na bhaataa. jealous!**

muqawwee123 · February 4, 2012, 5:50pm

Re: Guess the poet?

Yeh baat to hai, Zouq sahib ko Ghalib Chacha ki awami maqbooliat kuch hazam ahin hui, aur uss waqt to Hajmoola aur Kaarmina bhi nahin milti thi.

Lekin iss shair ka konsa hissa Ghalib ka hai aur konsa bechare badshah ka hai?

KKF · February 4, 2012, 5:55pm

Re: Guess the poet?

**hehehe…na Hajmola N Karmina is liye ‘fazaa’ Kharaab kar rakkhii thii.

‘tazmeen bar Ghazal Zafar’ ke 11 band haiN aur har band ke pahle 3 misr’e Ghalib ke haiN jab k aaKhirii 2 misr’e [she’r] Zafar kii ek Ghazal ke haiN.

aap Ghaur kijiye k kaise Ghalib ne kaisii chaabuk_dastii se baKhiyaa_kaarii kii hai k angrezii emN kaheNge k ‘seamless’ joining! it’s kinda "MOLEDED’ shaa’irii :)**

muqawwee123 · February 4, 2012, 6:03pm

Re: Guess the poet?

Ghazal na hui Khachar hogaya.

Chale next:

husn ne jab bhi inaayat ki nazar daali hai
mere paimaan-e-mohabbat ne sipar daali hai

jhunjhunpari · February 6, 2012, 12:05am

Re: Guess the poet?

sach kahon mujhay ye unwan bura lagta hai
zulm sehta hua insan bura lagta hai:p

jhunjhunpari · February 6, 2012, 12:06am

Re: Guess the poet?

..

UZ · February 6, 2012, 5:41am

Re: Guess the poet?

Manzar bhopali

Amarbail · February 6, 2012, 5:41am

Re: Guess the poet?

Majaz Lucknawi

Next:

Jane kab tak teri tasveer nigahoon mein rahi
Ho gae raat tere aks ko taktay taktay ...

UZ · February 6, 2012, 5:46am

Re: Guess the poet?

Hint please