Re: Got spanked as a kid?
hahahahha,
Re: Got spanked as a kid?
we are only talking about spanking as kids right?
why? what do u have to share?
infac why dont u just share away :D
Re: Got spanked as a kid?
do i really have to tell 
…
Re: Got spanked as a kid?
lol, YUP!
My mom had such a strong hand. One dhamuk (flat hand slap) on my back and I would see stars.
Re: Got spanked as a kid?
Allah meri ammi ko maaf karay.
Wo to jo haath main ata tha phaink kar marteen theen. Per kioon yay mujhay yaad naheen halankay main kabhi koi shararat koi aisa kaam naheen karti thi.
Per main uchal kar apnay aap ko bacha lia karti thi. Zadatar kichen say Kufgeer (pakanay kay steel kay bar'ay aur bhari bharkam) kabhi baithi (gosht katnay ka aik auzar) kabhi baylan (roti bailnay wala). Gharz koi cheez bhi unkay haath aa jaay.
Per kioon mara karteen theen. I don't know.
Phir bar'ay honay pay to mera koi qusoor naheen hota tha. Meray kazins unko jhooti kahanian meray khilaaf sunatain thain aur main kuch naheen bolti thi phir unki pitai khani par'ti thi. Aisi ais pitai kay bata naheen sakti.
Phir main bhi kaam chor' aur bhook har'tal pay chali jati thi aik aik haftay tuk.
Abbu nain to kabhi naheen mara aik dafa meri chachi ki aik rishtaydar meri ammi kay khilaaf bohat ulta seedha bol raheen theen main nain kah dia aap khud aisi hon geen. Meri cousin nain abbu ko khoob char'ha dia main khail main masroof thi abbu nain aik ghoonsa peeth pay mara main us waqt 6 class main thi phir meri dadi nain bacha dia.
Us kay ilawa kabhi abbu nain na kabhi aik haath lagaya na danta. Abbu ki chaheeti thi.
Haan sub bhai bahan bhi bohat tameezdar aur shareef thay aur hain pooray nanhiaal aur dadhiaal main.
Ammi kioon mara karteen thi aaj tuk muaamma hai meray liaay. Halankay main par'hanay likhnay her kaam main khud agay agay huwa karti thi. Ammi ki har baat mana karti thi.
Aik dafa bohat si batain main nain dartay dartay ammi say pooch lia kioon mara karteen theen aur kioon itni bayja ki pabundi thi to unhon nain bataya kay cousin nain unhain hamaray khilaaf jhooti kahanian sunaya tha.
Meray cousins ko meray parents mujh say ziada chahtay thay is liaay kay main unki shadi kay kafi salon baad paida huwi us say pehlay meray do cousins paida huwa thay jo unhon nain meri chachi say goad lay lia tha aur meray parents nain unko pala tha is liaay meray parents ki pehli aulad wo dono hi thay is liaay unki baton ko mantay thay aur dil o jaan say mohabbat kartay thay.
Aur wo dono cosins nakara hum nain her kaam main hamaysha beaat kia unko wo martic bhi naheen kar paay aur hum apnay khandan main sub say ziada degree walay aur sub kay pyaray hain apnay adaton aur andaz ki wajah say.
My cousin was 3 years older than me and we were in same class and she was my best friend too and I didn't know that she was doing that behind me. We use wear same dress study togather and all.
Wo meray ghar walon kay samnay khoob zor zor say par'ha karti thi aur main bilkul khamoshi say. Hamaray ghar main hi ziadatar raha karti thi imtihan kay dinon main. Meray parents ko bolti thi main class main bilkul naheen par'hti waghaira waghair jo kam wo khud karti thi main apnay parents ko bolti kay wo jhoot bolti hai to meray parents yaqeen naheen kartay yay class 9 ki baat hai to main nain phir parents ko kuch kahna hi chor' dia is liaay kay mera wo log yaqeen hi naheen kartay thay cousins ki baton ka hi.
Phir wo hamaysha fail hoti rahi aur main paas to jub main nain B.Sc ki to ammi nain aur abbu nain jub kaha haan meri beti laiq hai wo jhoot bola karti thi jub hi khud pass na ho saki kabhi aur meri beti nain aaj B.Sc. kar lia.
Main nain to phir bhi bohat kum maar khaya hai. Bhai ki to aisi aisi pitaiaan hoti theen kay Allah maaf karay ammi ko. Wo tha bhi bohat shararti. Naak main dum kar rakha tha sub kay tha bhi itna kankr'i aur aik din to ammi us kay seenay pay hi char'h gaeen kay us din to wo mar jata to hum nain khoob cheekhna aur rona shuru kar dia kay ammi wo mar jaay ga. Ammi hamari kafi tandurust theen.
Ub to wo bhai Masha Allah zabardast doctor hai. Abbu bhi ussay khoob mara kartay thay jooton say. Aur uko Imran khan nain khud apnay hospital main offer ki munh mangi tankha denay ki. Abhi usko Ireland, Canada, Pakistan say soch say bahir tankhuwah ki offer ati hai. He is so young in his idara and expert. Aay din kai mulkon main confrence main jata rahta hai.
Apnay University kay selection committee main hai. Kis ko grant deni hai kisko, job deni hai waghair waghaira. Masha Allah.
Uko to jhoor'o say bhi maar par'i hai wo bhi teelion walay say.
Re: Got spanked as a kid?
Achcha is thread kay zariaay yaad aya bhai say kahoon gi ammi ko maaf kar day.
Allah unhain maaf karay. Per meri ammi nain hamain aisa pala hai kay hum sub bhai bahan aaj us muqaam pay ponhach gaay hain Allah ki maharbani say jispay meray cousins anay ka sirf khialon main soch saktain hain. Aaj samajh main bohat cheezain ati hai to apni ammi pay bohat pyar ata hai aur samajh main aya kay bohat say kaam wo naheen karnay dia karteen theen to kioon us waqt bohat pura lugta tha pur hum nain kabhi choon charan naheen kia unkay agay. Her baat khamoshi say maani hai.
Akhiri baar jub ammi say mulaqat huwi thi to ammi nain kaha tum meri aisi beti ho jis ko palnay main ya kabhi bhi kisi qism ki koi takleef naheen ponhchi mujhay na kabhi kuch mana karnay pay tum kuch kahti thee jub kay doosri bahan kay liaay kaha wo zaban darazi shuru kar deti thi.
Ammi kay wo alfaz mujhay bohat achcha lagay. Warna to main apni ammi say ziada baat naheen kia karti thi. Aik hamaray darmiaan dewar say tha doori ka phir bhi main apni ammi ko dil o jaan say chahti thi aur yay baat wo bohat achchi tarha janti theen.
Isi liaay Intiqal say pahlay sub bhai bahan ko kahteen theen hum nain aik bohat achcha khuab daikha hai per kia daikha hai wo naheen batain gay. Ub hamaray pass time ziada naheen hai. Per mujh say kabhi naheen bataya na hi ammi nain aur na hi kisi aur bhai bahan nain. Waisay apnay dil ki har baat hum say kaha karteen theen.