**sar dard mein goli yeh bari zood asar hai
par thora sa nuqsaan bhi ho sakta hai iss say
ho sakti paida koi tabkheer ki soorat
dil tang o pareshan bhi ho sakta hai iss say
hosakti hai kuch saqal samaat ki shikayat
bay kaar koi kaan bhi ho sakta hai iss say
mumkin hai kharabi koi hojaye jigar mein
haan aap ko yarqaan bhi ho sakta hai iss say
par sakti hai kuch jald kharashi ki zaroorat
kharish ka kuch imkaan bhi ho sakta iss say
hosakti hain yaden bhi zara iss say mutasir
mamooli sa nasiyan bhi ho sakta hai iss say
binaie kay haq mein bhi yeh goli nahi achi
deeda koi heran bhi ho sakta hai iss say
ho sakta hai la-haq koi paicheeda marz bhi
ghurda koi weraan bhi ho sakta hai iss say
mumkin hai keh hojaye nasha iss say zara sa
phir aap ka chalaan bhi ho sakta hai iss say**
