Gilani to take Parliament into confidence on may 9th!!

[EyEsOnSkY]

Re: Gilani to take Parliament into confidence on may 9th!!

@Anwer_Pasha

I have some thing from one who I never like but this is very true .
I am sorry it is in Urdu and I am not able to translate it.
خود احتسابی یا فرار…ناتمام…ہارون الرشید
اقتباسات
یہ اپنا سامنا کرنے ، سچائی کا سراغ لگانے اور بنیادی فیصلے صادر کرنے کا وقت ہے ۔ یہ لمحہ اگر کھو دیا گیا تو ہر چیز ہم کھو دیں گے ۔ ہر سانحے میں سبق ہوتا اور ہر بحران میں مواقع چھپے ہوتے ہیں۔ قدرت کا اصول یہ ہے کہ گاہے صدمہ پہنچا کر وہ جگادیتی ہے ۔ اگر اس کے بعد بھی کوئی سویا رہے ؟ محض وزیر اعظم کی وضاحت سے کیا فائدہ کہ ہمیشہ وہ لیپا پوتی کرتے ہیں۔ صدر زرداری اور سپہ سالار جنرل اشفاق پرویز کیانی نے جب اس تجویز پر صاد کیا تو سامنے کی اس حقیقت کو نظر انداز کیسے کر دیا کہ ان کی ساکھ ہی نہیں ۔ تحقیقات ہونی چاہئیے ، جنابِ والا اور ایسی تحقیقات کہ ساری قوم اعتبار کر لے اور ساری دنیا
بحران اتنا بڑا ہے کہ محض حکمرانوں ، جنرلوں او رسیاستدانوں پر ہم اسے چھوڑ نہیں سکتے۔فقط وزیر اعظم پہ ہم کیسے بھروسہ کریں؟ کب غیر معمولی دانائی کا انہوں نے مظاہرہ کیا۔ سیلاب میں صدر فرانس سدھارے تھے اور اس تباہی میں وزیر اعظم ۔ سپہ سالار جنرل اشفاق پرویز کیانی اور آئی ایس آئی کے سربراہ جنرل شجاع پاشا کو بھی اس سوال کا جواب دینا ہے کہ سات، ساڑھے سات برس تک اسامہ بن لادن پاکستان میں چھپے کیسے رہے ۔ اب تک سامنے آنے والی ان کی وضاحت ناکافی ہے اور یک طرفہ بھی ۔ جب تنازعہ اس قدر سنگین اورحاد ثہ اتنابڑا ہو تو انحصار صاحبِ معاملہ کی رائے نہیں بلکہ ثالث پر کیا جاتاہے ۔۔۔شفّاف تحقیقات پر ۔ سپریم کورٹ کے چیف جسٹس کی مشاورت سے ** جسٹس بھگوان داس جیسے کسی منصف **، سبکدوش عسکری اور انٹلی جنس ماہرین پر مشتمل کمیٹی۔ ہر چیز جو آشکار کردے ، کسی کا لحاظ روا نہ رکھے۔ بہت ہو چکا،لیاقت علی خان سے لے کرسانحہ مشرقی پاکستان تک ، جنرل محمد ضیاء الحق سے لے کر محترمہ بے نظیر بھٹو کے قتل تک، بہت ہو چکا۔ بس کر و، خد اکے لیے اب بس کرو۔ ابتدا کرو، اب انسانوں کی طرح جینے کی ابتدا کرو۔ حیاتِ اجتماعی کے اصول معلوم ہیں ، سبھی کو معلوم ہیں ۔سوال فقط یہ ہے کہ ان پر عمل کرنے کے لیے ہم تیار ہیں یا نہیں ۔ حالات کا سامنا کرنے ، آئینہ دیکھنے پر آمادہ یا نہیں
ایک لعل ہی اگر کسی کا تمام سرمایہ ہو اور کھو جائے تو اس کے لیے تمام لوگ چور ہوتے ہیں ۔ ہمارا تو سبھی کچھ کھو گیا ۔ قومی وقار، معاشی خود مختاری ، مستقبل اور آنے والی نسلوں کے لیے آبرومندانہ زندگی کے امکانات، ہر چیزخطرے میں پڑی ہے ۔ معاف کرنے اور صبر کر لینے کے اب ہم متحمل نہیں۔ عسکری اور سیاسی قیادت دونوں ذمہ دار ہیں۔ صدر اور وزیر اعظم کے استعفے کا مطالبہ پوری طرح قابلِ فہم ہے ۔ زیادہ اہم لیکن تحقیقات ہیں۔ شفاف اور قابلِ اعتبار تحقیقات۔ یہ اپنا سامنا کرنے ، سچائی کا سراغ لگانے اور بنیادی فیصلے صادر کرنے کا وقت ہے ۔ یہ لمحہ اگر کھو دیا گیا تو ہر چیز ہم کھو دیں گے ۔ ہر سانحے میں سبق ہوتا اور ہر بحران میں مواقع۔ قدرت کا اصول یہ ہے کہ گاہے صدمہ پہنچا کر وہ جگادیتی ہے ۔ اگر اس کے بعد بھی کوئی سویا رہے ؟

i see