Re: Ghazals …
**salaam…kaisi haiN aap ahl-e-chaman ji? ummeed hai k mizaaj-e-giraamii ba_Khair o 'aafiiyat hoNgii.
Habeeb Walii MoHammad mere maHboob mutrib haiN aur unkii gaayekii mujhe hameshaa hii masHoor kar jaatii hai. unkii aawaaz meN janaab-e-Mo’iin AHsan “Jazbii” kii mash’hoor-e-zamaana Ghazal pesh-e-Khidmat hai. Jazbii saaHab ne mujhe AligaRh Muslim University meN urdu paRhaaii thii…Allah unkii maGhfirat farmaaye…aameen.**
**
yaaraa…shaa’irii sirf Haraarat-e-'ishq o 'aashiqii hii nahiiN bal k karb o nasheb o faraaz e aHsaasaat o jazbaat bhii hai. 'ishq kii har chhalaang ke ba’d 'aashiq e naa-muraad dhaRaam se zameen par hii girtaa hai ayur tab aisii hii shaa’irii man mohit hotii hai :)**
Re: Ghazals …
^^ kiaaaaaaa ??? maray tu uper sa giya 
**salaam...kaisi haiN aap ahl-e-chaman ji? ummeed hai k mizaaj-e-giraamii ba_Khair o 'aafiiyat hoNgii.
Habeeb Walii MoHammad mere maHboob mutrib haiN aur unkii gaayekii mujhe hameshaa hii masHoor kar jaatii hai. unkii aawaaz meN janaab-e-Mo'iin AHsan "Jazbii" kii mash'hoor-e-zamaana Ghazal pesh-e-Khidmat hai. Jazbii saaHab ne mujhe AligaRh Muslim University meN urdu paRhaaii thii...Allah unkii maGhfirat farmaaye...aameen.**
Aap khush qismat hein janab agar aapne jazbii sahab ki shagardgii ka sharaf paya ...
Habib wali sahab ke kiya kehne ... unnki awaz ka sooz ghazal ka maza daubala karta hai ...
ham mante hein ke baat mein aapki wazaan hai, per ham kehte hein … ke wo ishq he kiya jo nakaam hoa … 
… 
ufff nomi pomi
kiss din ke liye parhaya hai tumhein … angreiz ho gaye ho poore … abb kiya ek aur degree karo ge jiiii …urdu mein 
**
bas ji ise Husn e ittefaaq hii kah sakte haiN k maiN jis saal vahaN vaarid huaa usii saal Jazbii saaHab chhoo mantar [apne mansab se subuk-dosh huye. qismat kaa khelaa rahaa bas :)**
**salaam and kaisi haiN aap? thankoo thankoo thankoo…par meri baat gar ser kii thii to aapkii baat savaa ser kii hai masha Allah. par ham bhii yeh sunte aaye haiN k:
yeh 'ishq nahiiN aasaaN, bas itnaa samajh liije
ik aag kaa daryaa hai aur Dooooooob ke jaanaa hai :)**
beshaak! per janab kehte tau yeh bhi hein ke
ayee jaazba-e-dil gar mein chahoon, har cheez muqabil aa jaye
manzil ke liye dau gaam chalon aur samne manzil aa jaye 
aakhir himmat-e-mardan, maddad-e-khuda bhi koi cheez hoti hai
Re: Ghazals …
**bajaa farmaayaa…magar ab to ghabraa ke yeh kahnaa paRtaa hai k:
himmat-e-mardaaN, madad-e-aurtaaN
musbat andaaz dekh kar dil lahlahaa uThtaa hai magar ba-lamHa-e-diigar vaalid e marHoom kaa she’r zad-e-zabaan ho jaataa hai:
mujhe bhii log maa’il kar chale the Khanda-e-gul par
Khushii ke daur-e-be_jaa meN tiraa Gham thaa jo kaam aayaa:**
aapkii pesh kardah Ghazal sun kar maiN bahooot maHzooz huaa…shukria…Amaanat Ali Khan saaHab ko mascara miltii lagaane ko agar aajke zamaane men hote to vo kitne zabardast lagte
Re: Ghazals ...
a very nice Ghazal by Faiz saahab marHoom and equally beautifully rendered by Iqbal Bano...i loved all the ash'aar :) thanks for sharing Ehl-e-Chaman Ji :)
ab ek Ghazal shaa’ira marHooma Meena Kumarii [MehjabeeN “Naaz”] kii unhiiN kii dil-kash o jaazib aawaaz meN:
Re: Ghazals ...
^ allah ne meena kumari ko husn se tau khub navawza tha, per khushi se mehroom he rakha ...
she was a troubled soul and it reflects in her poetry ...
unnhi ka likha hai ...
*aabalaapaa koi iss dasht mein aayaa hogaa
warnaa aandhii mein diyaa kis ne jalayaa hogaa
zarre zarre pe jarree honge kunvaare sajde
ek ek buut ko Khudaa us ne banaayaa hogaa
pyaas jalte huye kaanton ki bujhaai hogii
ris'te paanii ko haathelii pe sajaayaa hogaa
mil gayaa hogaa agar koi sunharii patthar
apnaa Tootaa huaa dil yaad to aayaa hogaa
Khuun ke chiinte kahin pochh na lein rehron se
kiss ne wiiraane ko gul_zaar banaayaa hogaa*
Re: Ghazals …
a filmi ghazal …
Re: Ghazals …
^ allah ne meena kumari ko husn se tau khub navawza tha, per khushi se mehroom he rakha ... she was a troubled soul and it reflects in her poetry ...
unnhi ka likha hai ...
*aabalaapaa koi iss dasht mein aayaa hogaa warnaa aandhii mein diyaa kis ne jalayaa hogaa
zarre zarre pe jarree honge kunvaare sajde ek ek buut ko Khudaa us ne banaayaa hogaa
pyaas jalte huye kaanton ki bujhaai hogii ris'te paanii ko haathelii pe sajaayaa hogaa
mil gayaa hogaa agar koi sunharii patthar apnaa Tootaa huaa dil yaad to aayaa hogaa
Khuun ke chiinte kahin pochh na lein rehron se
kiss ne wiiraane ko gul_zaar banaayaa hogaa*
**
ji, bilkul bajaa farmaayaa aapne...aawaaz men zabardast dard...sjo'la saa lapak uTThe hai aawaaz to dekho...Kamal Amrohii ne unkii zindagii barbaad kar dii...nihaayat hii naa'ma'qool, Khud pasand, Khud Gharaz insaan thaa. Allah unkii maGhfirat kare aur kia kah sakte haiN. Khair.**
Re: Ghazals …
**aapkii pesh kardah donoN GhazleN jis qadar umda haiN usii qadar Begam AKhtar aur Tasavvur Khaanum kii gaayekii hai…shukria. lutf aa gayaa sun kar 
aapkii Khidmat men maiN ek Ghazal pesh karne kii jasaarat kar rahaa huN is ummeed pe k aapkii taba’-e-naazuk par baar-e-giraaN na hogii, iA.
mere maHboob shaa’ir Bahadur Shaah Zafar kii yeh bar zabaan-e-zad-e-'aam Ghazal mere maHboob mutrib Habib Wali MoHammad kii aawaaz meN pesh kartaa huN…to, mulaaHizah farmaaiye:
Re: Ghazals …