For those who are pessimistic about Pakistan - Must Watch or stop complaining!

[KKF]

**salaam dost,

aameen, summaa aameen…aapkii post meN jo sab se bahtareen Hissa thaa use maiN ne quote kar diyaa aur thank you k aapne use yahaN post kiyaa. yeh nazam poorii nahiiN hai is liye maiN baqaayaa ash’aar post kar rahaa huN…kuchh typos haiN jiskii tasHeeH bhii kar rahaa huN…mulaaHizah farmaaiye:**

@happyheart

Ya Rab Dil-e-Muslim Ko Woh Zinda Tamanna Dey
Jo Qalb Ko Garma Dey Jo Rooh Ko Tadpa Dey

Phir Vadi-e-FaraN Ke ,Har Zarra Ko Chamka Dey
Phir Shauq-e-Tamasha Dey, Phir Zauq-e-Taqaza Dey

maHroom-e-tamaashaa ko phir deeda-e-beenaa de
dekhaa hai jo kuchh maiN ne auroN ko bhii dikhlaa de

bhaTke huye aahoo ko phir soo-e-Haram le chal
is shahr ke Khoo_gar ko phir vus’at-e-saHraa de
**
paidaa dil-e-veeraaN meN phir shorish-e-maHshar kar
is maHmil-e-Khaalii ko phir shaahid-e-lailaa de**

Is Daur Ki Zulmat Main Har Qalb-e-PareshaN Ko
Woh Daagh-e-Mohabbat Dey Jo Chaand Ko Sharma Dey
**
raf’at meN maqaasid ko ham-dosh-e-suraiya kar
Khud-daarii-e-saaHil de, aazaadii-e-daryaa de**
**
be-laus moHabbat ho, be-baak sadaaqat ho
seenoN meN ujaalaa kar, dil soorat-e-meenaa de**
**
aHsaas 'inaayat kar aasaar-e-musiibat kaa
imroz kii shorish meN andesha-e-fardaa de**
**
maiN bulbul-e-naalaaN huNik ujRe gulistaaN kaa
taaseer kaa saa’il huuN, moHtaaj ko, Daataa!, de!**