Re: FAIZ AHMED FAIZ
**Khuda vo waqt na laaye ki sogwaar ho tu **
**Sukuun ki niind tujhe bhi haraam ho jaaye **
**Teri masarrat-e-paiham tamaam ho jaaye **
**Teri hayaat tujhe talkh jaam ho jaaye **
**Gamon se aaiina-e-dil gudaaz ho tera **
Hujuum-e-yaas se betaab hoke rah jaaye
**Wafuur-e-dard se siimaab ho ke rah jaaye **
**Tera shabaab faqat khwaab ho ke rah jaaye **
**Guruur-e-husn sarapaa niyaaz ho tera **
Tawii raato.n men tu bhi qaraar ko tarse
**Teri nigaah kisi Gam_gusaar ko tarse **
**Khizaan-rasiida tamanna bahaar ko tarse **
**Koi jabiin na tere sang-e-aastaa.n pe jhuke **
**Ki jins-e-ijz-o-aqiidat se tujh ko shaad kare **
**Fareb-e-waada-e-farda pe aytamaad kare **
**Khuda wo waqt na laaye ki tujh ko yaad aaye **
**Vo dil ki tere liye be-qaraar ab bhi hai **
Vo aankh jis ko tera intezaar ab bhi hai