Re: everyone in Pakistan and the Middle East...
Bujh rahe thay deyay gir rahay thay shajjar, log hanstay rahay
Doobta jaa raha thaa kisi ka nagar, log hanstay rahay
Apne khwaboon ke raizay sametay huwe mein tere shehar se
Jis gali se bhi guzra har ek mor per, log hanstay rahay
Teri yaadon ka ek kaarwaan har qadam mere hamraah thaa
Meri tanhaeyoon pe magar bekhabar, log hanstay rahay
Phir wohi saaneha kal zameen per huwa, baarishoo ke khuda
Jhonpra jal raha thaa kisi ka magar, log hanstay rahay
Us ke naazuk se murjhaaye huwe haathoon mein mehndi sulaghti rahi
Aur khushiyaan manaate huwe raat bhar, log hanstay rahay
Us ke gham mein sissakti rahi zard patton mein chup ke hawa
Jis ke hontoo pe pheeki hansi dekh kar, log hanstay rahay
Likh ke naam us ka har cheez per hum tu ghar ko sajaatay rahay
'Javed' dekh ke ghar ke deewaar-o-dar, log hanstay rahay
Sorry CatWoman ... for posting ... !