**aap president haiN is liye aap se ek samjeeda sawaal karne kii jasaarat kartaa huN. ummeed hai k kuchh Khayaal nahiiN kareNge kiuN k maiN ne yeh sawaal Khuloos-e-dil aur Khuloos-e-niyat ke saath kar rahaa huN. shukria
sawaal:
chuN k GS ek ghareloo site hai aur yahaN bachche/bachchiyaaN bhi aate/aatii haiN. kuchh sections meN maiN ne hamesha dekhaa hai aur mujhe is site kii yehii baat bahooot ziyaada burii lagtii hai k be-shumaar aisii laRiyaaN [threads] hotii haiN jin par bahooot "KHUL" kar baat cheet hotii hai jo be-sharmii aur be-Hayaaii kii zumur meN bahooot aasaanii se aatii haiN jiskii ijaazat na hamaaraa mo'aashara detaa hai aur na hamaaraa mazhab [chaahe ham kisi bhi mazhab se ta'alluq rakhte hoN] to aap kia samajhte haiN k aapkii iKhlaaqiyaatii aur mazhabii duty nahiiN k aap is baat kii rok thaam kareN aur is qadar khullam khullaa baatoN se aHtaraaz karne ke usool aur zavaabit banaaye...Allah ke Huzoor ham sab jawaab deh haiN...shukria
isii taraH, political yaa religious discussions meN ek dusre kii hatak izzat karne se koi baaz nahiiN aataa...what happened to our decency? shouldn't it be monitored...kuchh log hote ahiN jinko zaraa bhii aHsaas nahiiN k vo kisi kii dil-shikanii karte unko zaraa bhii 'aar nahiiN hotaa
aap men se jis kisi ko merii baat burii lagii ho usse maiN mo'aazarat Khowaah huN. yeh baat kisi na kisi ko to kahni hii chaahiye thi. Allah ham sab kii rahnumaaii farmaaye...aameen :)**
This is a policy issue and if you would like to present it to the admins we can discuss it there, instead of here. We do take care in this respect and are mindful that this is a family oriented site. :)