Re: Dukh..
redidentity, this has been anonymous only recently?
Dushwari
Aik Achi Si Poem..
Poochnay Walay Tujhay Kaiasay Bata-ain Aakhir Dukh Ibarat To Nahin Jo Tujhay Likh Ker Bhejain Ye Kahani Bhi Nahin Hay Ke Sunain Tujh Ko Na Koi Baat Hay Aisi Ke Bata-ain Tujh Ko Ye Koi Raaz Nahin Jis Ko Chhupa-ain To Wo Raaz Kabhi Chehray Kabhi Aankhon Se Chhalak Jata Hay Jaisay Aanchal Ko Sanbhalay Koi, Aur Tez Hawa Jub Bhi Chaltee Hay To Shano Sey Dhalak Jata Hay Ab Tujhay Kaisay Bata-ain Ke Hamain Dukh Kia Hay Jism Main Reengtee Rehtee Hay Musafat Ki Thakan Apnay Kandhon Pe Uthaye Huay Halaat Ka Bojh Apnay Qadmon Se Hatatay Huay Saayaa Apna Jis Ko Bhi Dekheay Chup Chaap Chala Jataa Hay Kabhi Khud Se Kabhi Rastoon Sey Ulajhtaa Hay Magar Janay Wala Kisi Awaz Pe Rukta Hee Nahin Dhoondna Hay Naya Pera-e-Izhaar Hamain Issta'aroon Ki Zubaan Koi Samajhta Hee Nahin Dil Girafta Hain Talismaat-e-Gham-e-Hasti Main Saans Lenay Se Fasoon Kari-e-Jaan Toot-ti Hay Ik Taghayyur Pus-e-Her Shay Hay Magar Zulm Ki Dor Abhi Ma'aloom Nahin Hay Ke Kahan Toot'ti Hay Tu Samajhtaa Hay Ke Khushboo Se Mo-attar Hay Hayaat Tu Nay Chakh-kha Hee Nahin Zehr Kisi Mausam Ka Tujh Pe Guzraa He Nahin Raks-e-Junoon Ka Aalam Waqt Bey Rehm Hay Hum Raks-e-Barehnaa Hein Sabhi Ab Tau Paband-e-Slasil Nahin Koi Phir Bhi Tu Kabhi Waqt Ki Dehliz Pe Thehra Hee Nahin Tu Nay Daikhay Hee Nahin Halqa-e-Amroz Ke Rang Garmi-e-Wa'ada-e-Fardaa Se Pighaltay Huay Log Apnay Hi Khawab Ki Taabir Mein Jaltay Huay Log Zindagi Film Nahin Hay Ke Dikhaein Tujh Ko Tu Nay Poochaa Hay Magar Kaisay Bata-ain Tujh Ko Dukh Ibarat To Nahin Jo Tujhay Likh Ker Bhejain Dukh.. To Mehsoos Hua Kertaa Hay Chaahay Teraa Ho Ke Meraa Dukh Ho Aadmi Wo Hay Jisay Jeetay Jee Sirf Apna Nahin Sub Ka Dukh Ho Chaak Ho Jaye Jo Ik Baar Hawas Kay Haathon Jaama-e-Ishq Dobara To Nahin Siltaa Hay Aasmaan Meri Zameenon Pe Jhukaa Hay Lekin Teraa Aur Meraa Sitara Hi Nahin Miltaa Hay
(Anonymous)
Umeed Hai Aap Logon Ko Pasand Aye Gi..
Regards,