Dostana aajkal aisey nibha letey haiN lo'g

[LP]

Re: Dostana aajkal aisey nibha letey haiN lo’g

har aik misra ke apni khoobsoorti hai…

@Hatim_Jawed

** GHAZAL
------------
MuNh se roti aaNkh se sapne uRa letey haiN lo’g |
Dostana aajkal aisey nibha letey haiN lo’g ||

Aag se ummeed thadak ki laga letey haiN lo’g |
Rahnuma wahshi darindoN ko bana letey haiN lo’g ||

Bewafa bedard daulat ki tawaaif ke liye |
Baap maaN bhai bahan sab kuchh gaNwa letey haiN lo’g ||

Zindagi bhar kheltey haiN zindagi ke jism se |
Maut ke hamraah lekin ghar basa letey haiN lo’g ||

zaat mazhab nasl firqa aur zabaaN ke naam par |
Pyas apni apne hi khooN se bujha letey haiN lo’g ||

Kaat kar JAWED janey kyoN mohabbat ke shajar ?
NafratoN ke peR aangan meiN uga letey haiN lo’g ||

**