dard itnay milay inteha ho gai..

[muddii]

Re: dard itnay milay inteha ho gai..

@GuL-e-Tasbeeh

**dard itnay milay inteha ho gai
zindaGi na huwii bad-dua ho gai

meri mukhlis muhabbat taRapti rahi
ye taRap aashqi ka sila ho gai

saans lenay se chubhti hai dil meiN hawa
zehr aalood saari fazaa ho gai

saray mausam bhi mujhsay khafa ho gaye
aur be-rung qos-qazah ho gai

mudataiN ho gaiiN mujhko soye huwey
neend aankhoN sey aisay juda ho gai

zindagi apnay din gin rahi hai magar
door mujhsey kyuN itni qaza ho gai

ab tou chehray sey wehshat tapaknay lagi
dekhiye mujhko maiN.. kya sey kya ho gai**

Great Choice Gul:)