Re: Competition Nazam Of The Week
**A poem by: Sahir Ludhianvi
Aao ki koi khwaab boonein kal ke vaaste
warna ye raat aaj ke sangeen daur ki
das legi jaan-o-dil ko kuch aise ki jaan-o-dil
taa-umer phir na koi haseen Khwaab bun saken
jo hum se bhagti rahi ye tez-gaam umr
khwaabon ke aasre pe kati hai tamaam umr
zulfon ke khwaab, honthon ke khwaab, aur badan ke khwaab
meraaj-e-fan ke khwaab, kamaal-e-sukhan ke khvaab
tehzeeb-e-zindagi ke, faroe-e-watan ke khwaab
zindaan ke khwaab, koochaa-e-daar-o-rasan ke khwaab
ye khwaab hi to apni jawaani ke paas they
ye khwaab hi to apne amal ke asaas the
ye khwaab mar gaye hain to be-rang hai hayaat
yunh hai ki jaise dast-e-tah-e-sang hai hayaat**