Re: Best of Anwaar Qureshi
Eighth Poem: Something I strongly feel about. Call me crazy but these are my feelings.
Mohabbat sirf piyar naheeN hotee
Mohabbat ik aag hoti hai
Mohabbat haar naheeN hotee
Mohabbat saaNch hotee hai
Mohabbat chaah naheeN hotee
Mohabbat piyaas hotee hai
Mohabbat maiN basaarat hai
Baseerat anjaan hotee hai
Aqal, iss aag maiN chaY ma'ani?
Mohabbat Rooh hotee hai
Mohabbat aye jaan-e-jaanaaN
sadaa yeh dil kee hotee hai
Rung-e-tagha'i-ur hai chehroN pe
Rooh magar abdaal hotee hai
Mohabbat dil maiN bastee hai
Mohabbat dildaar hotee hai
Mohabbat waqt kee naheeN paaband
yeh umer-e-rawaaN kee hotee hai
Jo chehroN pe martaY haiN
woh mohabbat naheeN kartaY
Jo deewanay haiN bannaY phirtaY
woh ik jism pe martaY haiN
Jo dil ko naa paRh paaYeN
Mohabbat unn ko naheeN hotee
Jo khud gharaz bun jaaYeN
Rifaaqat unn say naheeN hotee
Rifaaqat pe hai yaad aayaa
Rifaaqat mukhtasir bhee hotee hai
Mohabbat mukhtasir naheeN hotee
Yaad bhee mukhtasir naheeN hotee
Mohabbat yaad hai shaayad
yaad zindagi naheeN hotee
Mohabbat zindagi hai laikin
yaad ik rafeeq hotee hai
BaRay Mehboob miltaY haiN
inn galiyoN maiN, koochoN maiN
Laikin baat yeh baaNdh rakh Anwaar
Mohabbat sar-e-raah naheeN hotee
11:04 PM 9/29/2005