Re: Baithak of Bheegiyaad & MasoomMuskaan
:salam: aaj k guest hain ARYAAN in ka interview aisay hi hua jaisay kisi bachay k sir par danda lay k baitho aur us ko homework karvao
Ap ne GS kio join kia?
**Iss liye keh mujhe achi shayeri parhne ka shauq hai.. **
and wat abt buree shairee?
Ap ko poetry kion pesend he?
Shayeri meri rag rag mein hai isliye..
ragoon mein tou khoon hota hai na :eek: aap ki rag hi niralee hai
Apnee hobbies ke bare meyn koch batana pesend keryn geh ?
**Meri hobbies mein Movies dekhna, achi mosiqi sun-na aur kabhi khbhar likhna.. **
Shararton ke kia hadood mukerer ker rekehe teh?
Shararat tau main kabhi ki hi nahi.. isliye hadood ka sawaal hi peda nahi hota..
shararat nahi tou mastiyaan tou ki hongee :hmmm:
Kia kebeh esa hoa ke ap kese se dostee kerna chahte hon leken hamesha nakame ka samna kerna para ho?
Dosti ke moalmle mein hamesha khushnaseeb raha hoon..
Kia ap khod beh lekhte heyn?
Jee kabhi kabhi..
Shairee ke liyey mohabbat karna zaroori hai ap ka kya khial he?
**Zahiri si baat hai, iske baghair shayeri namukammal hai..
**
Apke nezer meyn apke life kesee he? kamyab ya kamyabee ke talash?
Allhamdolillah, Bohat hi kamyaab..
What u do if u angry?
Ghussa tau mujhe kabhi aata hi nahi..
insaan tou hain na aap :aq:
aaj kal k dulhay sehra q nahi bandttay?
iss sawaal ka jawaab tau koyi dulha hi de sakta hai, main tau sehra bandhoonga..
kisi aisee dish ka naam bataean jis ko pakanay mein koi kharcha nahi hota ho
Aisi bhi koyi dish hoti hai kya..
kaha jata hai miaan biwi garee k 2 pahiyyey hotay hain , jin ki 2 bewiyaan hoteen hain woh kya hotay?
**Three tyres wala riksha.. **
Kabhee ap ko moqa mel jae ke ap jo chahei is donia meyn keryn toh kia keryn geh?
**Duniya mein sirf aman-o-amaan ho, sirf pyar hi pyar ho.. **
kisi member ko koi title dena chahean gee if yes then y?
Sabhi apni apni jagah par kisi na kis title ke mustahiq hain..
mustahiq hain tou title dena tha na phir
Zindage ko lefzon meyn dahleyn to kese legei gee?
**Zingadi ko agar sirf do lafzon mein bayaan kiya jaye tau bohat choti par jayegi.. **
favourite poster on poetry section?
**Sabhi.. waise sId, Sheal, Muddii,PK, Jhanjharewali, Ali_, Muncho BheegiYaad, aur bhi bohat se.. **
from MM = :ASA:
Fav mausam , kia mausam ap ke mood pe aser kerta he?
Mausam-e-Bahaar, waise Mausam-e-Barsaat bhi acha lagta hai.. mood par dono hi apna apna asar chortey hain..
Apka fav sher, nezem, ya ghezel jo kesee pas-e-menzer ke waga se yad rehta ho?
Yeh Yaad Tha Keh Duaa Karoon
Par Uthey Rahe Mere Hath Yun
Jaise Khwahishon Ke Hujoom Mein
Kaheen Kho Gayi Teri Aarzoo..
Pas-e-manzar ko rehne hi dijiye..
kis member ke intikhaab se inspire hotai heyn?
Harr Uss member se jo woh shayeri post kare jiski mujhe samajh aa jaye..
Aaap wakt ki pabande ke kitne qaaail heyn?
Jee hadh se zayada..
Zindag ke vo din jo ap chahte heyn lout ayain?
Kaash guzra waqt kabhi laut sakta..
Ager ap ko koi bataei ke falan ap ki buraiya ker raha tha to ap ka kia rad-e- amal ho gah?
**Uske liye duaa karoonga keh Ya Allah usey Rah-e-rast pe la.. **
pehli mulakat meyn shakhsiyat ki kis cheez ka jaiza lete heyn?
Uska Libaas aur andaaz-e-guftagoo..
GS pe apko kese say milnay ka moka mele to kes say milna chahein gay?
**Aapko.. **
**Jezbon ka izhar asan he ya moshkel legtah he or kese kertay heyn ? **
lo jawaab hi nahi diya sawal zaya karwa diya na
Aap k khayal mein zindagi mein mohabbat ki kya ehmiat hai?kya iss k bagher zindagi mumkin hai?
**Mohabbat ek bohat paak aur muqaddas jazba hai, iske baghair zindagi ka harr rang pheeka hai.. **
Agar aap ko viraan jagah janay ka moka milay aur kisi aik person ko sath layjana allowed ho tou aap kis ko lay kar jaean gay?
Kisi ache dost ko..
Makhee aur machar mein kya farq hai?
Makkhee meethey ki pyasi hai aur machar khoon ka..
Ap ke nezdeek dosti kia he, ap khod kese dost heyn?
Dosti aisa naata, jo sone(Gold wala sona) se bhi mehnga.. Main kaisa dost hoon, yeh tau mere dost hi bata saktey hain..
**Ap apne life meyn seb se ziada kes se mutaser howai hean **
phir jawab nai diya :smack:
Jadoo kee charhee mel jai to kaha jana pesend keryn geh
Pariyon ke des mein..
:aq: bhootoon k des mein jana chahiyey pariyoon k dase mein sirf pariyaan allowed hain koi male nahi
any msg for poetry members?
**Zindagi bohat choti hai, isey jita jee sakte hain jee lijiye, kya pata kal ho naa ho..
**