Re: Ashaar from your memory
lol I think you have.
I think yeh jo 2nd shair likha hai app ne, these are (i think) two diff shairs jo app ne combine kar diye hain.
Re: Ashaar from your memory
Non-stop remixes.. ye do alag alag ghazlon ka mawaad aap ne yakja kar dia…
beech main jo do ashaar hai unka matla hai:
inn aankhon ki masti ke mastane hazaron hain
Re: Ashaar from your memory
original ghazal sung by Nayyara Noor
http://www.paklinks.com/gs/intikhaab/529421-mujhe-apne-zabt-pe-naaz-tha.html
mujhe apne zabt pe naaz tha, sar-e bazm raat ye kiya howa
meri aankh kaise chalak gai, mujhe ranj hay ye bura howa
meri zindagi k charagh ka ye mizaaj koi naya nahi
abhi roshni abhi teergi, na jala howa na bujha howa
mujhe jo bhi dushman-e jaa.n mila, wohi pukhta kaar-e jafa mila
na kisi ki zarb ghalat pari na kisi ka teer khata howa
mujhe aap kiyu na samajh sake, kabhi apne dill sey bhi pocheye
neri dastaan-e hayaat ka tu waraq waraq hay khula howa
jo nazar bacha k guzar gay merey saamne sey abhi abhi
ye mery hi shehr k log they, merey ghar sey ghar hay milaa howa
humain is ka koi bhi huq nahi k shareek-e bazm-e kholoos hon
na humarey paas naqaab hay, na kuch aastee.n main chupa howa
merey aik gosha-e fik’r main, meri zindagi sey aziz tar
mera aik aisa bhi dost hay, jo kabhi mila na juda howa
mujhe ik gali main para howa, kisi badnaseeb ka khat mila
kahee.n khoon-e dill sey likha howa, kahee.n ansoo.n sey mita howa
mujhe hum-safar bhi mila koi tu shikasta haal meri tarha
kai manziloo.n ka thaka howa, kahee.n raaste main luta howa
humain apney ghar sey chaley howe, sar-e raah um’r guzar gaii
koi justuju ka sila mila, na safar ka huq hi ada howa
Re: Ashaar from your memory
Mohay apne hi rung main rung de
Tu tu sahib mera, mehboob-e-ilaahi
Humri chunariya piya ki pagariya
Tu tu dono basanti rung de
Tu tu saahib mera, mehboob-e-ilaahi
Jo kuch maangay rung ki rangaayi
Mera joban girwi rakh le
Tu tu sahib mera, mehboob-e-ilaahi
Aan pari darbaar tihaaray
Meri laaj sharam sab rakh le
Tu tu sahib mera, mehboob-e-ilaahi
Mohe apne hi rung main rung le
Re: Ashaar from your memory
hilarious!
nice ghazal laikn myjhy yad ni bus pehli line he yad the.is sy myjhy dosri bhe yad a gaye
abhe kuch din lagain gy
dil aisy shehar k paamal ho jany ka manzar
bhool jany me
abhe kuch din lagain gy
theek likha hy?
Re: Ashaar from your memory
nice ghazal laikn myjhy yad ni bus pehli line he yad the.is sy myjhy dosri bhe yad a gaye
abhe kuch din lagain gy dil aisy shehar k paamal ho jany ka manzar bhool jany me abhe kuch din lagain gy
theek likha hy?
ye nazm kafi taweel hai, mujhe bhi itni hi yaad hai jitni aap ne likhi hai
Re: Ashaar from your memory
main bhi yahan post karna chor don tu app ke forum main life kahan se aaye gi? 
thankless log! 
Re: Ashaar from your memory
choR ke to dikhaen 
Re: Ashaar from your memory
Phool khushbu ko hawa main zara gehra likhna
Saat rangon main kabhi uska saraapa likhna
Titliyan rung liye phirti hain chaaron jaanib
Kitna mushkil hai bahaaron ka qaseeda likhna
Re: Ashaar from your memory
pewasta rahy shajr se umedy bahar rakh
Re: Ashaar from your memory
Yunhi mosam ki ada dekh ke yaad aaya hai
kis qadar jald badal jaate hain insaan jaanaN
Re: Ashaar from your memory
gham hy ya khushi hy tu
meri zindgai hy tu
Re: Ashaar from your memory
Kis kis ko batayein gay judaii ka sabab hum
Tu mujh say khafa hai toh zamanay kay liye aa
Re: Ashaar from your memory
Deklh toh dil kay jaan say uthta hai
yeh dhuaan sa kahan say uthta hai
Re: Ashaar from your memory
aankheiN khuleiN tou jaag utheiN hasrateiN tamaam
uss kou bhi kho diyaa jisey paayaa thaa khwaab meiN
Re: Ashaar from your memory
Gham-e-hijr daaNt nikaal le, mujhe panja khol ke phaaR de
mire Khoon se hii na peT bhar, mirii haDDiyaaN bhii chabaaye chal!
a she'r by: my DAD!
Re: Ashaar from your memory
Baaghe e bahisht se mujhe hukm e safar dia tha kiyun
Kaar e Jahan daraaz hai, ab mera intezar kar
Re: Ashaar from your memory
naavak andaaz jidhar deeda e jaanaaN hoNge
neem-bismil kaii hoNge, kaii be_jaaN hoNge
a she'r by: Momin KhaN "Momin".
Re: Ashaar from your memory
jab se tu ne mujy dewana bana rakha hy
sang hr shaks ne hathon me utha rakha hy