Re: Ashaar from your memory
<article> Udasi teergi hoti tou shayad,
Aik diya abad karnay say hi chatt jati,
Magar aisa nahi hai,
Udasi rasta hoti.
Tou usko apnay pairoon say gina kartay,
Kahen tou jaa k ginti khatam hoti,
Magar aisa nahi hai.
Udasi paier hoti,
Tou hum us k saray bazu katt kar mazor kar detay,
Zameen say iska saya door kar detay,
Magar aisa nahi hai.
Udasi saal hoti,
Tou hum khud ko ye samjhatay,
k dekhi 365 dinoon ki baat hai sari,
Udasi phir nahi hogi,
Magar aisa nahi hai.
Udasi dairah hoti,
Tou hum uss say kisi khatt e tansekh ki tarhan bahar nikal jatay,
Koi tou aisa lamha mil hi jata,hum sanmbhal jatay,
Magar aisa nahi hai.
Udasi tou udasi k siva kuch bhi nahi hai,
Yahan jitni bhi barish ho,
Ye mitti naam nahi hoti,
Kisi k kuch bhi kehnay say,
Udasi kam nahi hoti.