Re: Aryaan's Collection...
Jeo Aryaan ..... short and nice pharase
Re: Aryaan's Collection...
Thanks a lot Sanna...:)
Re: Aryaan’s Collection…
Jab Seene Ander Saans Ke Darya Doltey Hain
Jab Mausam Sard Hawa Mein
Chup Si Gholtey Hain
Jab Aansoo
Palkein Bhigote Hain
Jab Sab Awaazein
Apne Apne Bister Par So Jati Hain
Tab Ahista Ahista
Apni Aankhein Kholtey Hain
Dukh Boltey Hain…
bahot khoob :k::k: Aryaan…very nice collection…thnx for sharing…
Re: Aryaan's Collection...
Thanks a lot Reet...:)
Re: Aryaan's Collection...
**
Teri Sochon Mein Teri Soch Ke Mehvar Mein Kya Hai
Tu Mujh Se Sunn Teri Khudi Ki Tamanna Kya Hai
Main Teri Rooh Mein Uttra Tha, Kahan Kab Kaise
Tujhe Maloom Hai Sun-ney Ka Bahaana Kya Hai
Main Tere Hijr Mein Sadiyaan Guzaar Sakta Hoon
Yeh Chaar Din Ki Judaai Ka Nibhaana Kya Hai
Main Teri Zaat Pe Khud Ko Bhi Waar Sakta Hoon
Yeh Sooraj Chaand Sitaaron Ka Lutaana Kya Hai
Apni Ulfat Ke Ek Lamhey Se Nawaaz Mujhe
Uss Ek Lamhey Mein Sadiyon Ka Guzar Jana Kya Hai
Harr Ek Janam Mein Musalsal Mera Haasil Tum Ho
Tere Liye FaQat Ek Umr Lutaana Kya Hai
Meri Dua Mere Allah Tak Bhi Ponhachey Gi
Mujhe Zameen Ko, Iss Falak Ko Hilaana Kya Hai
Meri Aankhon Ki Jheelon Mein Wo Izteraab Aaya
Keh Samander Ke Tufaanon Ka Fasaana Kya Hai
Kahin Phir Se Na Aankhein Toot Barsein Saawan Si
Mujh Se Na Pooch Ke Ashkon Ka Fasaana Kya Hai
Tu Kisi Shajar Ke Ujrey Huwe Pattey Se Pooch
Tujhe Ro Ro Ke Sunaaye Ga Fasaana Kya Hai**
Re: Aryaan's Collection...
^bahot khoob........Aryaan
Re: Aryaan’s Collection…
Thanks a lot Reet & MahamKhan..
Re: Aryaan's Collection...
**
Tootey Huwe Be-Dard
Khwaabon Ki Kirchiyaan
Samait-te Samait-te
Ek Lamhe Ke Liye Mera Dil Chaha Keh
Main Bhi
Inhi Ki Tarha
Toot Kar
Hazaaron Tukdon Mein Bikhar Jaaun
Aur Koyi Mujhe
Ta-Hayaat Bhi
Mukammal Na Kar Sake...**
Re: Aryaan’s Collection…
Bohat shukriya Reet…
Re: Aryaan's Collection...
Jab Seene Ander Saans Ke Darya Doltey Hain Jab Mausam Sard Hawa Mein Chup Si Gholtey Hain Jab Aansoo Palkein Bhigote Hain Jab Sab Awaazein Apne Apne Bister Par So Jati Hain Tab Ahista Ahista Apni Aankhein Kholtey Hain Dukh Boltey Hain...
bohat khoooob..
Re: Aryaan’s Collection…
Bohat shukriya Eemaan…
Re: Aryaan's Collection...
**
Aankhon ko choo rahe hain sitaaron ke narm hath
Palkon pe aa ruki hai tamanna-e kehkashan
Zulfon ke taar taar se phoot-ti hain mastiyaan
Hoton ko choomti hai shararat se chaandni
Pairon ki laghzishein hain suraahi ki hichkiyaan
Raaston mein harr taraf hain gul-e-yasmeen khiley
Khushboo mein kyun na baandh lein phoolon ke haar hum
Sunte hain chaandni yunhi barse gi raat bhar
Mujh ko pukariye tau zara ehtiyaat se
Aisa na ho keh kaanch ki deewaar gir pade
Main khwaab ke safar mein hoon
Aahista Boliye...**
Re: Aryaan's Collection...
Jashn-e-Azaadi ke mauqe par kuch mere Qalam se...
Khela Teri Galiyon Mein Main Ne
Apna Sunhera Bachpan
Woh Galiyaan Woh Chaubaare
Mujhe Yaad Aate Hain
Tere Woh Leh-lehaate Khait
Woh Haseen Wadiyaan
Kisi Khubsoorat Manzar Ki
Yaad Dilaati Hain
Rahoon Main Chaahe Kaheen Bhi
Dharakta Hai Tu Mere Dil Mein
Meri Harr Dharkan Ke Sath
Rakhe Salaamat Allah Tujhe
Hai Duaa Hardam Meri Yehi
Gar Aaye Jo Bura WaQt Kabhi Tujh Pe
Baha Doon Apne Lahoo Ka Ik Ik Qatra
Teri Salamati Ke Liye
Keh Ab Tujhse Bichar Kar Mujhe
Nahi Jeena Hai
Teri Hi Zameen Ki Gaud Mein
Ik Din Mujhe
Meethi Neend Sona Hai...
By Aryaan!
Re: Aryaan's Collection...
**
Tumhein yeh kis ne keh diya aakhir
Keh!
Kisi resturant ke tareek goshey mein
Baith kar madham sargoshiyon mein
Muskurate labon se baat karna
Aur icecream ke cup mein chamach chalaate huwe
Khwahish-e-dil ko zubaan par le aana
Mohabbat hai?
Balkeh mohabbat tau
Door daraaz kisi wehshi Qabeele mein koyi chalaak si devi
Jo tumhari anaa ko apne jaado se yun Qaid karti hai
Keh tum apna saara gham bhool jaate ho
Mohabbat mann ka sacha sauda hai
Jisey..
Bazaar mein baicha nahi karte
Mohabbat ik naazuk si larki hai
Jisey rulaaya nahi karte
Mohabbat ko yun zaya nahi karte**
Re: Aryaan's Collection...
wah kia kehney
Re: Aryaan's Collection...
very nice poetry aryaan but i think it will be better to send poetry in different thread rather then in one as after reading someone thread no one bother to read it again so whenever ur thread appear everone think he has read this .......
Anyway its only a suggestion ......
Re: Aryaan’s Collection…
Thanks a lot Zakir & Sannan..
Sannan baat aapki bhi sahee hai, lekin mera maqsad tha keh meri collection ek hi jagah ikatha hoti..
Re: Aryaan's Collection...
Iss Duniya Mein
Iss Zamaane Mein
Insaan Ke Saare Rishte
Saare Naate Shayed Sirf
Tootne Ke Liye Hote Hain
Sirf
Katne Ke Liye Hote Hain
Yeh Rishte Jab Toot-te Hain
Tau!
Insaan Bhi Inke Sath Toot Jata Hai
Aur Phir..
Chubhne Ke Liye
Sirf Sooiyaan Reh Jati Hain
Kache Dhaage Toot Jate Hain