Adorables

Hakuna_Matata_1 · November 20, 2012, 2:48pm

Re: Adorables

Abhi to Chand Lafzon mein Sameta hai Tujhey mene.....

Abhi Meri Kitaaboon mein Teri Tafseer Baaqi Hai.....

LP · November 20, 2012, 2:49pm

Re: Adorables

:k:

Hakuna_Matata_1 · November 21, 2012, 2:59pm

Re: Adorables

Thank You :d

Restored attachments:

Hakuna_Matata_1 · November 21, 2012, 8:54pm

Re: Adorables

Khuda kare ke ab sari ummar Manzil Naa milay.....

Bari Mushkil se Wo Raazi huwe hein Saath Chalne ke Liye.....

Hakuna_Matata_1 · November 21, 2012, 8:57pm

Re: Adorables

Kalaijay Cut Gaye sab dekhne walon ke Seeno'n Mein.....

Kisay Maloom tha Angraai ka Talwar Ho Jana.....

LP · November 21, 2012, 10:30pm

Re: Adorables

kya khwahish hai !

Hakuna_Matata_1 · November 22, 2012, 10:31am

Re: Adorables

hahahahahaha aray ye to just sher hai kesa laga ??

Restored attachments:

Hakuna_Matata_1 · November 22, 2012, 7:34pm

Re: Adorables

Neendein Girvi hein Uske paas.....

Muhabbat Qarz Li Thi Jis Se.....

Hakuna_Matata_1 · November 22, 2012, 7:34pm

Re: Adorables

Bohot Mehdood saa aik Halqa-E-Ahbaab tha mera.....

Faqat Mastiyan, Shetaniyan, Nadaaniyan aur Mein.....

Abhi bhi Halqa-E-Ahbaab aik Mehdood hai Mera.....

Faqat Khamoshiyan, Tanhaiyan, Udaasiyan aur Mein.....

LP · November 22, 2012, 7:35pm

Re: Adorables

i like this :(

Hakuna_Matata_1 · November 22, 2012, 7:37pm

Re: Adorables

Me Too & Thank You

Hakuna_Matata_1 · December 1, 2012, 11:41pm

Re: Adorables

Qadam Ruk se gaye hein Phool biktay dekh kar.....

Wo aksar mujh se kehta tha "Muhabbat" Phool jaisi hai.....

Hakuna_Matata_1 · December 2, 2012, 1:41pm

Re: Adorables

Baadal to bohot hein magar is shehar mein humne.....

Aankhon ke siwa kuch bhi barastay nahi dekha.....

Hakuna_Matata_1 · December 2, 2012, 8:23pm

Re: Adorables

Sheher-e-aazaar ko khulti hui khirki ki thakan.....

Meri aankhon ko bhigoti hui Aawara hawa.....

Dosh-e-deewar pe bezaar gharri ki tik tik.....

Mere anjaam pe rota hua sansoon ka sitaar.....

Tuti almari mein bikhrey huye chahat ke naqoosh.....

Raqs kerti hui tanhai ke pyasay saaye.....

Mein akela hoon magar phir bhi....Akela to nahi.....

Hakuna_Matata_1 · December 2, 2012, 10:53pm

Re: Adorables

'''Azmat-e-zindagi ko bech diya
Hum ne apni Khushi ko bech diya

Chashm-e-saaqi kay ik ishaaray pe
Umr ki tishnagi ko bech diya

Rind jaam-o-suboo pe hanstay hain
ShaiKh ne bandagii ko bech diya

Rah-guzaaron pe lut gai radha
Shaam ne baansuri ko bech diya

Jagmagaatay hain wehashaton kay dayaar
Aqal ne aadmi ko bech diya

Lab-o-rukhsaar kay iwaz hum ne
Sitwat-e-Khusrawi ko bech diya

Ishq behroopiya hai aye ‘Jaan-E-Wafa’!
Aap ne saadgi ko bech diya'''

Hakuna_Matata_1 · December 3, 2012, 1:41pm

Re: Adorables

**Chashm-e-Naam-e-Dil-e-Muztarib.....

**Gham-e-Aarzoo-e-Gham-e-Justju.....

**Liye Phir Raha Hoon Nagar Nagar.....

Kisi Meherbaan Ki Talaash Mein.....******

Hakuna_Matata_1 · December 5, 2012, 8:00am

Re: Adorables

**Tu Jaise Mere Paas hai aur Mehv-E-Sukhan Hai.....

Mehfil Si Saja Deti Hein Aksar Teri Yaadein.....**

Hakuna_Matata_1 · December 5, 2012, 9:04am

Re: Adorables

**Uljhay huye hein Zawal-E-Zindagi mein aaj kal.....

Tum ye na samajhna ke taaluq nahi raha.....**

Hakuna_Matata_1 · December 6, 2012, 10:48pm

Re: Adorables

Mein Apne haathon mein aankhon ka Kaasa lay ke nikla hoon.....

Kahin se Kaash mujh ko Neend ki Khairaat mil jaye.....

Hakuna_Matata_1 · December 7, 2012, 11:17pm

Re: Adorables

Beqarar tanhaiyoon ka silsila reh jayega...

Tere mere darmiyan bas ik khala reh jayega...

Aks beh jayeinge saray dhoop ke sailaab mein...

Or koi paanion mein jhankta reh jayega...

Mujhko mere humsafar aisa safar darpaish hai...

Raasta katt bhi gaya to faasla reh jayega...

Log so jayeinge khamoshi ki chadar orh ker...

Chaand sooonay aangan mein jaagta reh jayega...

Jo usne parhein thein mujhse mang ker...

Naam mera un kitaboon mein likha reh jayega...