Ab kia likhain hum kaghaz per ab likhnay ko kia baqi hai
Ek dil tha so wo toot gaya ab lutnay ko kia baqi hai
Ek shakhs ko hum nay chaha tha
Ek rait pay naqsh banaya tha
In rait k zarooN ko hum nay
Phir apnay dil maiN sajaya tha
Wo rait to kab ki bikher gaii
Wo naqsh kahaN ab baqi hai
Hum jin ko apni nazmooN ka
Unwaan banaya kertay thay
LafzooN ka bana ker taj mehal
Kaghaz pay sajaya kertay thay
Wo hum ko akela choor ga’ay
Sab rishtooN say moun mor ga’ay
Ab rishtay saray soonay haiN
Wo pyar kahaN ab baqi hai
Ab kia likhain hum kaghaz per ab likhnay ko kia baqi hai
Ek dil tha so wo toot gaya ab lutnay ko kia baqi hai
